.
|
|
 | |
 | |
 |
FEATURED ARTICLES
इजरायलमा नमस्ते नेपाल इन्टरटेन्मेन्ट प्रा.लीको आय़ोजनामा
नमस्ते नेपाल इन्टरटेन्मेन्ट प्रा.लीको आय़ोजनामा अपाङ्ग पुनर्स्थापना केन्द्रको सहयोगार्थ स्वरुप श्री पाल्देन शेर्पा द्वारा २० र २१ अगस्त २०१० का दिन इजरायलको प्रमुख शहर तेलअभिवमा नमस्ते नेपाली साँझ सम्पन्न भएको छ ।
कार्यक्रममा नेपाली राजदूतवास इजरायलका नव नियुक्त मिनिष्टरल काउन्सिलर तथा उपियोग प्रमुख रमेश प्रसाद खनालको प्रमुख आतिथ्य रहेको थियो भने कार्यक्रमको सुरुवात प्रमुख अतिथीको शुभकामना मन्तव्य सँगै गरिएको थियो ।
चर्चित गायक(मङगोलीयन हर्ट) राजु लामा र हाँस्य टेलिश्रृङ्खला जिरे खुर्सानीका लेखक/निर्देशक जितु नेपाल (मुन्द्रे)द्वारा आफ्नो कला प्रस्तुत्त गरिएको थियो भने इजरायलमा रहेका कलाकारहरु द्वारा आफ्नो गायन तथा नाच प्रस्तुत्त गरेका थिए।
उक्त कार्यक्रममा गायक राजु लामाद्वारा आफ्ना चर्चित गित तथा भर्खरै बजारमा आएका नयाँ गितहरु पनि प्रस्तूत गरिएको थियो भने हाँस्य कलाकार जितु नेपाल (मुन्द्रे)ले पनि आफ्नो प्रस्तुती प्रस्तुती बाट दर्शकहरुलाई हसाउन सफल भएका थिए। उक्त कार्यक्रममा नेपालमा रहेका अपाङ्ग बालबालिकाहरुको भिडियो समेत प्रस्तुत्त गरिएको थियो ।
इजरायलमा नेपाली नृत्य प्रतियोगिता सम्पन्न, पेमलमु शेर्पा प्रथम
नेपाली कामदार सहयोगी मञ्च इजरायलको आयोजनामा १३ अगस्त २०१० शुक्रवार इजरायल स्थित तेल अभिव को हाहगना(बेतवारवार) हलमा नेपाली नृत्य प्रतियोगिता २०१० सम्पन्न भएको छ ।नेपाली कला र संस्कृतिलाई सम्मान गर्दै इजरायलमा कार्यरत नेपाली समुदायहरुबीचमा लुकेको प्रतिभालाई प्रस्फुटन गराउने उद्देश्यले आयोजना गरिएको उक्त नृत्य प्रतियोगितामा वाह्र प्रतियोगीहरु. क्रमश:- पेम्लु शेर्पा ,हेमराज उप्रेती,मधु गुरुङ, रती महरजन,स्वस्तिका श्रेष्ठ,रेनु तमाङ, हिस्सी डोमा शेर्पा ,कविता छेत्री,योङ्जोम लामा,ज्ञान कुमारी खडगी,प्रमिला थापा,प्रमिला गुरुङ,रहेका थिए ।
थान प्रसाद शर्माको प्रमुख आतिथ्यता तथा नेपाली कामदार सहयोगी मञ्च इजरायलकी अध्यक्ष श्रीमति ऋतु गिरीको सभापतित्व रहेको उक्त कार्यक्रममा आफ्नै गीत छनौट चरण, निर्णायले दिएको गीतमा नृत्य प्रस्तुत गर्नुपर्ने चरण र अन्तिम चरण गरी तीन वटा चरणमा कार्यक्रम संचालन गरिएको थियो जसको पहिलो चरणमा प्रतियोगीले आफैले छनौट गरेको गीतमा नृत्य प्रस्तुत गरेका थिए भने दोश्रो चरणमा निर्णाँयक मण्डलले दिएको गीतमा दुई दुई मिनेट मात्र नृत्य प्रस्तुत गर्नुपर्ने थियो त्यस्तै दोश्रो चरण अन्तर्गत पहिलो राउन्डमा १२ जना प्रतियोगीहरु मध्ये ४ जना प्रतियोगिताबाट वाहिरिएका थिए । त्यस्तै निर्णायकले गीत छनौट गरी आफ्नो नृत्य प्रस्तुत गर्ने दोश्रो चरणको दोश्रो राउन्डमा बाँकी ८ प्रतियोगीहरुले पुन: दुई दुई मिनेटसम्म नृत्य प्रस्तुत गरेका थिए । त्यस्तै दोश्रो राउन्डबाट ८ प्रतियोगीहरु मध्येबाट अन्तिम चरण फाइनलकोलागि उत्कृष्ट ४ प्रतियोगीहरुलाई छनौट गरिएको थियो भने अन्तिम चरणमा निर्णायक मण्डलले दिएको गीतको पूर्ण अंश नृत्य प्रस्तुत गर्नुपर्ने थियो । जसबाट आफू भित्र गुम्सिएर रहेको प्रतिभालाई प्रस्फुटन गराउदै भिमेश्वर नगरपालिका - १२ चरिकोट, दोलखा निवासी पेम्लु शेर्पाले पहिलोस्थान चुम्न सफल भएकी थिइन । त्यस्तै झापा निवासी हेमराज उप्रेतीले दोश्रो स्थान हासिल गरेका थिए । पोखरा निवासी मधु गुरुङले तृतिय स्थान हाँसिल गरेकी छिन्
कार्यक्रमको शुरुवात हुनुपूर्व कार्यक्रम संयोजक तेन्जिङ शेर्पाद्वारा कार्यक्रमको ढाँचा प्रस्तुत गर्नुकासाथै आयोजित कार्यक्रमका उद्देश्यहरु प्रस्तुत गर्नुभएको थियो कार्यक्रमलाई सफल पार्नकोलागि सहयोग पु-याउनुहुने सम्पूर्ण सहयोगीहरु. प्रायोजकहरु लगायत सम्पूर्ण उपस्थितहरुलाई धन्यवाद दिनुभएको थियो
अन्त्यमा कार्यक्रमको समापन गर्नुहुँदै कार्यक्रमका सभापति श्रीमति ऋतु गिरीद्वारा विजेता प्रतियोगीहरुलाई वधाई दिंदै कार्यक्रममा सहभागी सम्पूर्ण प्रतियोगी तथा अन्य सहभागीहरुलाई हार्दिक धन्यवाद ज्ञापन गर्नुभएको थियो ।
Subscribe to:
Posts (Atom)
